मानी शमसखानाख्यः पटानः प्रथितक्रमः । सुतो जाफरखानस्य नामदारश्च दुर्जयः ॥ तथा गया। सु। दीखानो मुनीमो हसनोऽपि च । मिरजासुलतानश्च प्रतापी मनचेहरः ।। तथा तुरुकताजश्च क्रूरात्मा च कुबाहतः हौदखानोऽप्युजबखात्रयोऽमी समरोन्मुखाः ॥ इमामबिरुदीखानो लोदीखानश्च दुर्धरः । पठानी द्वाविमौ तद्वद् मौलदौ द्वौ दिलावरी ॥ तथाबदुलवेगश्च भंगडः खोजडम्बरः । जोहरच पुनः खोजसुलतानः पराक्रमी ॥ सिदीफतेफतेजंगी रणरङ्गविशारदी। क्रोधनः कारतलवो गाजीखानादयोऽपि च ॥ तनयः शत्रुशल्यस्य भावसिंहः प्रभावभृत् । किशोरशामसिंहाह्वी राजानी चास्य बान्धवी ॥ राजा गिरिधरो नाम तथैव च मनोहरः । प्रद्युम्नश्वानिरुद्धश्च पञ्चमः पुरुषोत्तमः ॥ गोवर्धनेन सहिताः षडमी गौडवंशजाः । क्षत्रियाः क्षपितारातिकुलाः क्षितिभृतां वराः ॥ गौडविठ्ठलदासस्य नप्ता सप्ताश्वसन्निभः । सुतोऽर्जुनस्य विजयी राजसिंहश्च पार्थिवः ॥ वीरो बीरमदेवश्च रामसिंहश्च सुव्रतः । तथैव रायसिंहश्च त्रयोऽमीशीर्षदान्वयाः ॥ श्रीमानमरसिंहाख्यो राजा चंद्रवतान्वयः । तथा चन्द्रपुरेन्द्रस्य सेनापतिररिन्दमः ॥ द्वारकाजिच्च जीवाजित् पर्शुजिद्दलजित् पुनः । शरीफ-नृपसूनुश्च त्र्यंबकः समरोन्मुखः ।। एते भूशबलाः प्रौढबलाः सर्वे प्रतापिनः । गोकपाटश्च सुरजिद्यशोजिच्च महाभुजः ॥ राजा दिनकरश्चापि ख्यातः कांकटकान्वयः। त्र्यम्बकानन्तदत्ताख्याखयः खण्डार्गळान्वयाः ।। दत्तरुस्तुमवर्माणौ राजानी यादवान्वयौ। सर्वजित्तनयो रम्भः प्रवारः परवीरहा।। जायामुदयरामस्य जगज्जीवनमातरम्। राजव्याघ्रीति यां प्राहुर्युधि व्याघ्नीमिवोद्धुराम्।। सा प्रतापेन महता बताप्रतिहतायुधा। कृष्णराजप्रचण्डाद्यैः सहिताऽऽत्मसनामभिः ।। घाण्टिकः सर्जराजश्च गाढः कमल एव च। कोकाटो जसवन्तश्च कमलेन समन्वितः ॥ दिल्लीपतेर्नियोगेन सर्व एते महाभुजाः । स्वस्वसैन्यान्विताः शास्ताखानं सेनान्यमन्वयुः ॥