विन्यस्यानीकमात्मीयं यथावस्थितमात्मना। एकेनाफजलेनैव प्रस्थेयं शत्रपाणिना ।। याप्ययानाधिरूढेन यातव्यं च पुरः पुनः। सन्तु तत्परिचर्यार्थ द्वित्रा एवानुजीविनः ॥ तथैव स्वयमभ्येत्य प्रतापाद्रेरुपत्यकाम्। शिवं प्रतीक्षमाणेन स्थेयं तत्रैव संसदि।। शिवेन च समभ्येत्य शखहस्तेन गौरवात्। आतिथ्यमतिथेस्तस्य विधातव्यं यथाविधि।। तिष्ठन्तु दंशिताः शूराः पृष्ठे दश दश स्थिराः। शरस्यांतरमासाद्य रक्षणाय द्वयोरपि ।। मिलिताभ्यामुभाभ्यां च कर्तव्यं तत्र तद्रहः। सर्वस्यापि हि लोकस्य भवेद्येन महान्महः ।।