तत उ ह बालाकिस्तूष्णीमास तं होवाचाजातशत्रुः । एतावन्नु बालाका ३ इ इत्येतावद्धीति होवाच बालाकिस्तं होवाचाजातशत्रुर्मुषा वै किल मा समवादयिष्ठा ब्रह्म ते ब्रवाणीति। स होवाच । यो वै बालाक एतेषां पुरुषाणां कर्ता यस्य वैतत्कर्म स वै वेदितव्य इति तत उ ह बालाकिः समित्पाणिः प्रतिचक्रम उपायानीति तं होवाचाजातशत्रुः प्रतिलोमरूपमेव तत्स्याद्यत्क्षत्रियो ब्राह्मणमुपनयेत्। एहि व्येव त्वा ज्ञपयिष्यामीति तं ह पाणावभिपद्य प्रवक्षाज तौ ह सुप्तं पुरुषमाजग्मतुस्तं हाजातशत्रुरामन्त्रयांचक्रे । बृहन्पाण्डरवासः सोमराजन्निति । स उ ह तूष्णीमेव शिश्ये। तत उ हैनं यष्टश्चाविचिक्षेप स तत एव समुत्तस्थौ तं होवाचाजातशत्रुः । कैष एतद्वालाके पुरुषोऽशयिष्ट द्वैतदभूत्कुत एतदागा ३ दिति। तत उ ह बालाकिनं विजज्ञौ ॥